2025-2026 оны хичээлийн жилийн тэтгэлэг гардуулах ёслол амжилттай боллоо.
✨Шударга Ёсыг Бадраах Сан нь 2006 оноос хойш үйл ажиллагаагаа тасралтгүй явуулж нийт давхардсан тоогоор 508 удаагийн тэтгэлгийг оюутан залууст олгожээ.
Грийн Инсайт ХХК судалгааны компани нь 2023 оноос эхлэн “Шударга Ёсыг Бадраах Сан”-тай хамтран жил бүр шилдэг оюутнуудад сургалтын тэтгэлэг олгож ирсэн билээ.
Энэхүү тэтгэлэгт хөтөлбөрт жил бүр дунджаар 150–160 оюутан материалаа ирүүлдэг бөгөөд энэ жил нийт 🎓 МУИС, СЭЗИС, ШУТИС-ийн 37 шилдэг оюутан тэтгэлгийн эзэд боллоо.
“Шударга Ёсыг Бадраах Сан” нь СЗХ-ны анхны дарга Д.Бадраа агсны үнэт үйл хэргийг үргэлжлүүлэх, санхүүгийн салбарын ирээдүйн мэргэжилтэн, залгамж халааг бэлтгэх эрхэм зорилгын хүрээнд 2006 оноос хойш тасралтгүй үйл ажиллагаа явуулж байна.
Тэтгэлэгт хөтөлбөрт хамрагдсан нийт оюутнууддаа сурлагын өндөр амжилт хүсэн ерөөж, цаашдын сурч хөгжих замналдаа Монгол Улсын хөгжил дэвшилд бодитой, үнэ цэнтэй хувь нэмэр оруулна гэдэгт итгэж байна.
Үзэл бодлоо хуваалцсан
Пүрэвсүрэн
Судалгааны менежер
