"Insight Research Company" нь нийгмийн хариуцлагын хүрээнд боловсролын салбарт бодит хувь нэмэр оруулахыг зорин тогтмол үйл ажиллагаа хэрэгжүүлсээр ирсэн билээ. Бид Бадраа сантай хамтран жил бүр их, дээд сургуулийн оюутнуудад сургалтын төлбөрийн тэтгэлэг олгож, ирээдүй хойч үеийнхээ боловсролд хөрөнгө оруулалт хийсээр байна.
Мөн “Азийн сан”-гийн хэрэгжүүлж буй Let’s Read төсөлд хөрөнгө оруулалт хийж, бага насны хүүхдүүдийг номтой нөхөрлүүлэх, унших дадлыг төлөвшүүлэх, оюуны хөрөнгө оруулалтыг түгээх зорилгоор зорилтот цэцэрлэгүүдэд нас, сэтгэхүйн онцлогт тохирсон ном, номын сан, уншлагын булан байгуулахад дэмжлэг үзүүлэн хамтран ажиллаж байна.
Харин энэ удаа бид доктор Энхбаярын Тамирын “Сонголт” номыг дэмжин хамтран ажилласандаа баяртай байна. Энэхүү бүтээл нь “жижиг сонголт ирээдүйн чанарыг бүтээдэг” гэх энгийн атлаа гүн утгатай санааг уншигчдад хүргэж, өдөр тутмын шийдвэрүүд хүний амьдрал, ирээдүйд хэрхэн нөлөөлдөг талаар эргэцүүлэх боломжийг олгож байна.
Зарим ном мэдлэг өгдөг, зарим нь ухаарал өгдөг. Харин “Сонголт” бол уншаад өнгөрөх бус, өөрийн амьдрал руу эргэн харж, өөрчлөлт хийх хүсэл төрүүлдэг бүтээл юм. Санхүүгийн тухай ярианаас эхэлсэн мэт боловч угтаа энэ ном мөнгөнөөс илүү өргөн хүрээний сэдэв - хүний дадал, сэтгэлзүй, сонголт, ирээдүйгээ өөрөө бүтээх тухай өгүүлэх үнэ цэнтэй бүтээл юм.
Insight Research Company нь боловсрол, оюуны хөрөнгө оруулалтыг дэмжих үйлсэд цаашид ч тууштай хувь нэмрээ оруулж, олон үнэ цэнтэй төсөл, санаачилгуудыг дэмжин ажиллах болно.
“Хүн бүрт боломж бий. Харин тэр боломжийг ямар ирээдүй болгохыг сонголт тодорхойлно.”
Энэхүү гайхалтай бүтээлийг уншигчдад хүргэсэн доктор Энхбаярын Тамир танд дахин дахин халуун баяр хүргэж, цаашдын үнэ цэнтэй уран бүтээлүүдийг тань үргэлжлүүлэн дэмжин хамтран ажиллах болно.
Үзэл бодлоо хуваалцсан
