Зуны улирал эхлэхтэй зэрэгцэн Улаанбаатар хотынхон байгаль руу чиглэсэн аяллаа төлөвлөж эхэлдэг. Тэрэлж, Хустай, Хөвсгөл, Өмнөговь зэрэг аялал жуулчлалын бүсүүдэд жуулчны бааз, резорт, гэр буудлын тоо жилээс жилд нэмэгдэж байна.
СоСонголт олширч байгаа нь хэрэглэгчдийн хувьд давуу тал боловч үйлчилгээ үзүүлэгчдийн хувьд шинэ сорилтыг бий болгож байна. Өрсөлдөөн нэмэгдэхийн хэрээр нэг асуулт улам чухал болж байна.
Аялагч олон сонголтын дундаас яагаад тодорхой нэг баазыг сонгодог вэ?
Олон байгууллага байршил, өрөөний төрөл, хоолны цэс, үйлчилгээний давуу талаа сурталчилдаг. Гэвч хэрэглэгчийн шийдвэр гаргалтад яг юу хамгийн хүчтэй нөлөөлж байгааг төдийлөн хэмждэггүй. Үүний үр дүнд маркетинг, үнэ тогтоолт болон хөрөнгө оруулалтын шийдвэрүүд бодит өгөгдөл бус таамаглал дээр тулгуурлах нь элбэг байдаг.
Өрсөлдөөний нийтлэг бэрхшээлүүд
Жуулчны баазуудын маркетинг, үнэ тогтоолт болон хэрэглэгч татах үйл ажиллагаанд дараах гурван нийтлэг бэрхшээл ажиглагддаг.
Нэгдүгээрт, ихэнх баазууд хоорондоо төстэй буюу" Ялгарал" байхгүй.
"Байгалийн сайхан орчин", "тав тухтай амралт", "найрсаг үйлчилгээ" гэх мэт мессежүүд бараг бүх баазын сурталчилгаанд давтагддаг. Үр дүнд нь хэрэглэгчийн нүдэнд сонголтууд ялгарахаа больдог.
Хоёрдугаарт, үнэ болон үнэ цэнийн холбоо тодорхой бус байдаг.
Хэрэглэгч өндөр үнэ төлөхөөс татгалздаггүй. Харин юунд мөнгө төлж байгаагаа ойлгохыг хүсдэг. Гэвч олон баазын хувьд өндөр үнэ нь нэмэлт үнэ цэнээр бус, зөвхөн үнийн дүнгээрээ ялгардаг.
Гуравдугаарт, хэрэглэгчийн сонголтын бодит шалтгааныг байгууллагууд мэддэггүй.
Үнэ хамгийн чухал уу?
Байршил хамгийн чухал уу?
Эсвэл найзын зөвлөгөө юу?
Олон байгууллага эдгээр асуултын хариуг мэдэхгүйгээр сурталчилгаа, хөрөнгө оруулалт, үнэ тогтоолтоо хийсээр байна.
Insight
Жуулчид хамгийн хямд баазыг сонгодоггүй. Тэд хамгийн бага эрсдэлтэй сонголтыг хийдэг. Бааз сонгох үед хэрэглэгч дараах асуултуудад хариулт хайж байдаг.
"Очоод зураг дээрх шигээ байх болов уу?"
"Хүүхэдтэйгээ очиход тохиромжтой юу?"
"Зам нь ямар байдаг бол?"
"Хоол нь үнэхээр сайн юу?"
"Миний төлсөн мөнгөнд тохирох туршлага өгч чадах уу?"
Өөрөөр хэлбэл хэрэглэгч өрөө худалдаж авч байгаа биш, амралтынхаа амжилтыг худалдаж авч байдаг.
Судалгаануудын үр дүнгээс харахад аялагчийн шийдвэр гаргалтад гурван үндсэн хүчин зүйлс нөлөөлдөг байна.
Эхнийх нь итгэлцэл.
Найз нөхдийн зөвлөмж, сошиал медиа дахь контент, өмнөх зочдын сэтгэгдэл нь анхны сонголтыг тодорхойлдог.
Хоёр дахь нь практик хүчин зүйлс.
Үнэ, байршил, замын нөхцөл, захиалга хийхэд хялбар байдал зэрэг.
Гурав дахь нь төсөөлөгдөж буй туршлага.
Очоод юу хийх вэ, ямар мэдрэмж авах вэ, энэ аялал үнэ цэнтэй санагдах уу гэсэн асуултууд.
Гэвч хамгийн сонирхолтой нь эдгээр хүчин зүйл хүн бүр дээр ижил жинтэй ажилладаггүй.
Хүүхэдтэй гэр бүлийн хувьд аюулгүй орчин хамгийн чухал байж болох бол найз нөхдийн аялалд үйл ажиллагаа, хосуудын аялалд тайван орчин илүү чухал байдаг.
Тиймээс нэг мессеж бүх хэрэглэгчид адилхан нөлөөлөх боломжгүй.
Solution
Баазуудын хувьд хамгийн чухал асуулт бол "Бид ямар үйлчилгээ үзүүлдэг вэ?" биш.
Харин "Хэрэглэгч биднийг яагаад сонгож байна вэ?" гэдэг асуулт юм.
Хэрэв байгууллага хэрэглэгчдийнхээ шийдвэр гаргалтын логикийг ойлгож чадвал:
• Үнэ тогтоолтоо оновчтой хийх
• Маркетингийн мессежээ зөв чиглүүлэх
• Өөрийн ялгарах үнэ цэнийг тодорхойлох
• Дахин ирэх хэрэглэгчийн тоог нэмэгдүүлэх
• Улирлын эрсдэлийг бууруулах боломжтой болно.
Өрсөлдөөн нэмэгдэх тусам хамгийн том давуу тал нь шинэ өрөө барих биш, хэрэглэгчээ илүү сайн ойлгох явдал болж байна.
Takeaway
Ихэнх жуулчны баазууд өрөөний дүүргэлтээ хэмждэг. Харин хамгийн амжилттай байгууллагууд хэрэглэгчийнхээ шийдвэр гаргах шалтгааныг хэмждэг.
• Бааз сонгоход хамгийн чухал 5 хүчин зүйл юу вэ?
• Үнэ хэдэн төгрөгөөс хойш "үнэтэй" гэж мэдрэгддэг вэ?
• Facebook, TikTok, найз нөхдийн зөвлөгөө гурвын аль нь хамгийн их нөлөөлдөг вэ?
• Дахин очих шийдвэрт хамгийн их нөлөөлсөн туршлага юу байсан бэ?
• Хүүхэдтэй гэр бүл, хосууд, найз нөхдийн бүлгийн сонголт юугаараа ялгаатай вэ?
Эдгээр асуултын хариуг мэдэхгүйгээр гаргасан шийдвэр бүхэн таамаглал дээр суурилсан хэвээр үлддэг.
Insight Research Company нь аялагчдын сонголтын хүчин зүйлс, үнэ мэдрэмж, мэдээллийн сувгийн нөлөөлөл, сэтгэл ханамж болон дахин ирэх магадлалыг тодорхойлох хэрэглэгчийн зан төлөвийн судалгааг аялал жуулчлалын байгууллагуудад санал болгож байна.
Учир нь хэрэглэгчийг ойлгохгүйгээр баазаа хөгжүүлэх боломжтой. Харин хэрэглэгчээ ойлгосноор зөв чиглэлд хөгжүүлэх боломжтой.
Үзэл бодлоо хуваалцсан
