“Манай брэнд хүмүүсийн дунд танигдсан.”
“Хэрэглэгчид бидэнд итгэдэг.”
“Манай өрсөлдөгч хэн болохыг бид мэднэ.”
Олон бизнес эдгээр асуултад төвөггүй хариулдаг. Гэхдээ дараах асуултад хариулахад жаахан төвөгтэй болж эхэлнэ.
Та үүнийг юунд үндэслэж мэдэж байна вэ?
Өөрийн мэдрэмжээр үү?
Борлуулалтын тоогоор уу?
Эсвэл хэрэглэгчийн бодит ойлголт, хандлагаар уу?
Эндээс л Брэндийн судалгааны бодит үнэ цэн мэдрэгддэг.
Брэндийн судалгаа бол “хүмүүс манай логог таньдаг уу?” гэдгээс илүү зүйл. Сайн брэндийн судалгаа танай брэндийг хэрэглэгчийн нүдээр харуулах боломжийг олгодог.
Тухайлбал:
-
Хэрэглэгчид таны брэндийг юугаар төсөөлдөг вэ?
-
Өрсөлдөгчдөөс тань ялгаж хардаг зүйл бий юу?
-
Худалдан авах мөчид таны брэнд хамгийн түрүүнд санаанд нь ордог уу?
-
Таны брэндийн давуу тал хэрэглэгчийн хувьд үнэхээр үнэ цэнтэй юу?
-
Тэд танд илүү өндөр үнэ төлөхөд бэлэн үү?
Kantar-ийн олон улсын брэндийн судалгаануудын дүгнэлтээр хүчтэй брэнд гэдэг зөвхөн танигдсан байх тухай биш. Хэрэглэгчийн хувьд утга учиртай, бусдаас ялгаатай, хэрэгтэй үед хамгийн түрүүнд санаанд ордог байх нь урт хугацааны өсөлттэй холбоотой байдаг.
Өөрөөр хэлбэл, олон хүн таны нэрийг мэддэг байж болно. Гэхдээ яагаад таныг сонгох ёстойгоо мэддэг байх нь илүү чухал.
Борлуулалт өсөж байвал брэнд эрүүл гэсэн үг үү?
Заавал биш.
Борлуулалт өсөж байгаа нь сайн мэдээ. Гэхдээ өсөлтийн цаана яг юу байгааг ойлгохгүй бол дараагийн шийдвэрээ гаргахдаа таамаглах хэрэгтэй болно.
Жишээ нь:
Үнэ хямдарсан учраас өсөв үү?
Шинэ салбар нээгдсэн учраас өсөв үү?
Эсвэл хүмүүс таны брэндийг илүү их сонгодог болсон уу?
Брэндийн судалгаа энэ ялгааг ойлгоход тусалдаг.
NIQ-ийн мэдээллээр брэндийн нөлөөлөл нь зөвхөн богино хугацааны борлуулалтаар хэмжигдэхгүй. Зарим салбарт маркетинг, брэндийн үйл ажиллагааны борлуулалтад үзүүлэх нөлөөний томоохон хэсэг нь урт хугацаанд илэрдэг байна.
Тиймээс зөвхөн “энэ сард хэдэн төгрөгийн борлуулалт хийсэн бэ?” гэдгээс гадна:
“Манай брэнд ирээдүйн өсөлтөд хэр бэлэн байна вэ?” гэсэн асуултыг асуух хэрэгтэй.
Судалгааны хамгийн том үнэ цэнэ нь тайлан биш, шийдвэр юм
Брэндийн судалгааны үр дүнгээр та:
Маркетингийн хөрөнгө оруулалтаа илүү зөв хуваарилж болно.
Ямар мессеж хэрэглэгчидтэй холбогдож байгааг, аль нь зүгээр л анзаарагдахгүй өнгөрч байгааг ойлгоно.
Өрсөлдөх байр сууриа тодорхойлж болно.
Таны бодлоор давуу талтай зүйл хэрэглэгчийн хувьд үнэхээр давуу тал мөн үү гэдгийг шалгана.
Үнэ цэнийг бий болгож болно.
Хүчтэй брэнд хэрэглэгчийн сонголтод нөлөөлөөд зогсохгүй, үнэ цэнийн ойлголтыг бий болгож, зарим тохиолдолд илүү өндөр үнэ тогтоох боломжийг дэмждэг.
Өөрчлөлтийг эрт анзаарч болно.
Хэрэглэгчийн хандлага, өрсөлдөгчийн нөлөө, брэндийн хүч өөрчлөгдөж эхлэхэд борлуулалтын тайлангаас өмнө дохио өгөх боломжтой.
Хамгийн аюултай зүйл бол брэндээ судлаагүй байх биш…
Судлаагүй мөртлөө мэдэж байна гэж бодох юм.
“Манай хэрэглэгчид бидэнд үнэнч.”
“Манай брэнд хангалттай хүчтэй.”
“Манай ялгарал тодорхой.”
Эдгээр өгүүлбэр үнэн байж болно.
Гэхдээ бизнесийн том шийдвэрийг “магадгүй” дээр биш, “бид үүнийг баталгаатай мэдэж байна” дээр гаргах нь илүү хүчтэй.
Брэндийн судалгаа танд зүгээр нэг оноо, хувь хэмжээ, график өгөхгүй.
Харин:
Бид одоо хаана байна?
Хэрэглэгч биднийг хэрхэн хардаг вэ?
Өрсөлдөгчдөөсөө юугаараа ялгардаг вэ?
Тэгээд дараагийн өсөлтөө хаанаас олох вэ? гэсэн асуултын хариуг олоход тусална.
Эцэст нь брэндийн жинхэнэ үнэ цэн нь хүмүүс таныг таньдаг эсэхэд биш, сонголт хийх мөчид таныг сонгодог эсэхэд оршдог.
Тэгвэл таны брэнд хэрэглэгчийн толгойд яг ямар байр суурь эзэлж байна вэ?
Үзэл бодлоо хуваалцсан
