Ихэнх компаниуд үнэнч хэрэглэгчдийн бааз дээрээ хэт найдаж, бодит өсөлтийг өөрсдийн гараар үгүй хийж байна. Тэдний бодлоор брэндийн бүтээгдэхүүнийг тогтмол авдаг үнэнч бүлэг л бизнесийг чирч явдаг мэт харагддаг.
Гэвч олон улсын зах зээлийн судалгааны тэргүүлэх акул Kantar саяхан танилцуулсан "Blueprint for Brand Growth" судалгааны тайландаа брэнд удирдагчдын олон жил шүтсэн энэ төөрөгдлийг бүрэн нураав. Өгөгдөл худал хэлдэггүй.
Үнэнч байдлын хий хоосон урхи
Kantar-ийн 6.5 тэрбум гаруй худалдан авалтын мэдээлэл дээр хийсэн дүн шинжилгээ нэг зүйлийг маш тодорхой харуулсан: брэндүүд үнэнч хэрэглэгчдийг улам олноор татах замаар биш, харин тухайн брэндийг ховорхон эсвэл санамсаргүй сонгодог худалдан авагчдыг өөртөө наах замаар л бодитоор өсдөг.
Маркетерүүдийн гаргадаг нийтлэг алдаанууд тодорхой:
-
Хязгаарлагдмал хүрээлэл: Байгаа цөөн үнэнч хэрэглэгчдэдээ зориулж хэт нарийн, өндөр өртөгтэй хөтөлбөр хэрэгжүүлдэг.
-
Оюун санааны байршлын хомсдол: Санамсаргүй хэрэглэгчийн худалдан авах шийдвэр гаргах торгон агшинд тухайн брэнд толгойд нь буудаггүй.
-
Бодит хүртээмжийн сул тал: Хэрэглэгч авахыг хүссэн ч тавиур дээр, эсвэл хайлтын эхний илэрц дээр байж чаддаггүй.
Үнэнч хэрэглэгч таны одоогийн түвшнийг барина. Харин брэндийг тань жилд 1-2 удаа л сонирхдог тэр олон сая "хөнгөн худалдан авагчид" танай зах зээлийн жинхэнэ өсөлтийг бүтээдэг.
Өсөлтийг бүтээдэг 3 тулгуур
Kantar-ийн гаргаж ирсэн үндсэн зөвлөмжүүд нь брэндийн байршуулалтыг бодит сэтгэл зүйтэй холбосон гурван хүчин зүйл дээр тогтож байна:
-
Урьдач төсөөлөл (Predispose more people): Хэрэглэгчийн толгойд "Энэ брэнд надад үнэ цэнтэй, бусдаас ялгаатай" гэх мэдрэмжийг худалдан авалт хийхээс өмнө бүрдүүлэх. Өөрөөр хэлбэл Top of Mind төвшинд өөрийн байр суурийг эзлэх.
-
Боломжийн цагт бэлэн байх (Be more present): Хэрэглэгч хэрэгцээгээ хангах яг тэр агшинд лангуун дээр ч, дижитал сувгаар ч урд нь байж чадах хүртээмж.
-
Шинэ орон зайг эзлэх (Find new space): Зөвхөн одоогийн ангилалдаа түгжигдэхгүйгээр хэрэглээний шинэ нөхцөл, шинэ соёлыг бий болгох.
Хэрэв танай бүтээгдэхүүн хэрэглэгчийн ой тойнд байж чадахгүй бол тэд хамгийн түрүүнд нүдэнд харагдсан өрсөлдөгчийг л сонгоно. Өнөөгийн зах зээлд өршөөл гэж байхгүй.
Шийдэл: Зөн совингоо өгөгдлөөр солих цаг
Бизнесийн шийдвэрийг зөвхөн "манай үйлчлүүлэгчид үүнд дуртай байдаг" гэсэн таамгаар удирддаг цаг үе өнгөрсөн. Бодит стратеги дараах арга барил дээр суурилах ёстой:
-
Хэрэглэгчийн зан төлөвийг тасралтгүй хэмжих: Тэдний бодит худалдан авалтын замнал, шийдвэр гаргалтад нөлөөлж буй далд сэдлийг илрүүлэх.
-
Брэндийн танигдсан байдлыг тогтмол хянах (Brand Image Tracking): Танай бүтээгдэхүүн өрсөлдөгчдөөсөө юугаараа ялгарч байгааг, хэрэглэгчийн тархинд ямар байр суурь эзэлж байгааг тоон утгаар хэмжих.
-
Хүртээмжийн аудитыг хэрэгжүүлэх: Худалдааны цэгүүд дээрх бүтээгдэхүүний өрөлт, харилцагчийн үйлчилгээний түвшинг нууц хэрэглэгчийн (Mystery Shopper) аргаар системтэй шалгах.
Kantar-ийн олон улсын томоохон судалгааны тайлан бидэнд нэг л зүйлийг сануулж байна: Хэрэглэгчийн зан төлөв өдөр бүр хувьсан өөрчлөгдөж, брэндийн ялгарал үгүй болсон зах зээлд өрсөлдөгчид рүү шилжих шилжилт нүд ирмэхийн зуур явагддаг.
Бодит өгөгдөл, мэргэжлийн түвшний судалгаагүйгээр маркетинг хийх нь харанхуй өрөөнд бай руу сум тавихтай адил юм.
Монголын зах зээлд үйл ажиллагаа явуулж буй брэндүүдийн хувьд хэрэглэгчийн зан төлөвийн гүнзгий судалгаа, зах зээлийн багтаамж болон брэндийн танигдсан байдлыг ESOMAR, ISO 20252 стандартын дагуу хэмжих стратегийн өгөгдлийг Insight Research (G-Insight) баг боловсруулан харилцагчдадаа бодит өсөлтийг бий болгоход тусалдаг.
Үзэл бодлоо хуваалцсан
